Berdaq atındaǵı Qaraqalpaq mámlekelik universiteti tariyx fakulteti dekanı S.Sulaymanov, fakultet hayal-qızlar keńesi baslıǵı, hayal-qızlar máseleleri boyınsha dekan másláhátshisi N.Záretdinova, fakultet tyutorları G.Esboǵanova, B.Ibodullaevlar 5-sanlı studenteler turar úyinde jasap atırǵan student qızlardıń jaǵdaylarınan xabar alıp, tálim-tárbiya hám tártip-intizam qaǵıydaları boyınsha sáwbetlesiw bolıp otti. Sonday-aq universitet profilaktika inspektorları I.Erejepov, R.Tasbaevalarda qızlar menen sáwbetlesip, búgingi kúnde juz berip atırǵan jınayatlar hám olardıń aqıbetleri haqqında aytıp, bunday islerden awlaq bolıwǵa shaqırdı. Qızlarımızdıń studentler úyinde, oqıwda, jamiyetlik orınlarda ózlerin uslap tutıwı maseleleri, tártip intizam máselesi, eń tiykarǵı másele, tereń oqıp bilim alıwları kerekligin atap ótti. Bunnan soń, N.Záretdinova hám G.Esboǵanovalarda student qızlardıń tazalıǵı máselesi, ishki tártip intizamǵa boysınıwı máselesi, qızlardıń kiyiniw mádeniyatı haqqında sóz etti. Ushırasıw sońında student qızlar ózleri qızıqtırǵan sorawlarına juwaplar aldı.