Búgin 23 sentyabr kúni Qaraqalpaq màmleketlik universiteti Shet tiller fakulteti Inglis tili hám ádebiyatı kafedrası professor-oqıtıwshıları menen fakultetimizdiń belsendi studentleri tárepinen Shımbay fakultetinde tálim alıp atırǵan 1-kurs studentleri ushın ushırasıw hám seminarlar ótkerildi.
Ushırasıwdıń tiykarǵı maqseti – Shımbay fakultetinde tálim alıp atırǵan studentler menen ushırasıw, olar arasında inglis tili kónlikpelerin rawajlandırıw boyınsha master-klass sabaqların ótkeriw, sonıń menen birge olardıń qábiliyetlerin júzege shıǵarıw hám óz-ara pikir almasıw bolıp tabıladı.
Seminar dawamında kafedramız baslıǵı Z.Uteshova hám kafedranıń tájireybeli oqıtıwshıları F.Atashova hám A.Sadullaeva tárepinen inglis tilin úyreniwde áhmiyetli ideya hám jantasıwlar menen tanıstırıp, házirgi zamanagóy pedagogikalıq texnologiyalardıń bilim alıwda girewli ornı haqqında sáwbetlesti.
Sonday-aq, fakultetimizdiń belsendi student jasları Shımbay fakulteti jasları ushın ózleriniń tayarlap barǵan shet tillerin úyreniwde qolaylı usıllar haqqında prezentaciyalar, interaktiv oyınlar, kishi toparlar menen diskussiyalar ótkerdi.
Seminar dawamında óz bilimlerin sınawdan ótkerip, belsendi qatnasqan studentler ushın estelik sawǵaları Inglis tili hám ádebiyatı kafedrası jámááti atınan berildi.
