Bıyılǵı oqıw jılında Qaraqalpaq mámleketlik universitetiniń Fizika  fakultetine 113 qız oqıwǵa qabıllanıp, student bolıw baxtına miyassar boldı. Student qızlarǵa universitet hayal-qızlar keńesi hám qızlar tálim tárbiyası boyınsha tereń tusinik beriw, olar menen sáwbetlesiw maqsetinde búgin fakultetimizde Hayal-qızlar máseleleri boyınsha rektor másláxátshisi, Universitet hayal qızlar keńesi baslıǵı I.Seytnazarovanıń qatnasıwında Fizika fakultetiniń 1-kurs student qızları ushın «Qızlardı ádep ikramlılıq hám pozitiv ómirge baǵdarlaw » atamasında jıynalıs bolıp ótti. Ushırasıwda Universitet hayal qızlar keńesi baslıǵı Injayım Seytnazarova qızlardı student bolǵanı menen qutlıqlap, hayal qızlarǵa jaratılıp atırǵan imkaniyatlar. Prezidentimizdiń 2022-jıl 7-marttaǵı PF-87 sanlı pármanınıń mazmunı sonday-aq gender teńlik, hayal-qızlar arasında basım hám zorawanlıqtıń aldın alıw, kiyiniw mádeniyatı, universitetimizdiń ádep ikramlıq qaǵıydaları haqqında tolıq aytıp ótti. Sonday-aq Qızlarjan klubı baslıǵı R.Qalimbetova, profilaktika inspektorı R.Tasbaeva, psixolog G.Reymbaeva, fizika fakulteti hayal qızlar máseleleri boyınsha dekan másláhátshileri G.Nurımbetova student qızlar arasında alıp barıp atırǵan jumısları haqqında aytıp ótti. Jıynalıs sońında fakultet tyutorları student qızlardı belsendilikke shaqırıp, student qızlar ózleri qızıqtırǵan sorawlarǵa juwaplar aldı.

 G.Nurımbetova

Fizika fakulteti hayal-qızlar

máselelerı boyınsha dekan másláhátshisi