Búgin Berdaq atındaǵı Qaraqalpaq mámleketlik universitetinde “Eń jaqsı kitapqumar” tańlawınıń Qaraqalpaqstan Respublikalıq basqıshı ótkerildi. Onda Nókis qalasındaǵı barlıq joqarı oqıw orınlarınan kitapqumar studentler qatnastı.

Tańlawda kitapqumarlar tómendegi shártler boyınsha bellesdi:

«Eń bilimli kitapqumar» shárti (test kórinisinde) bunda qatnasıwshılar arasında test (50 test sorawdan ibarat) ótkeriledi.

«Annotaciya sheberligi» shárti. Bunda qatnasıwshı tárepinen «Men jaqtırǵan shıǵarma» atamasında ózi jaqsı kórip oqıǵan shıǵarma boyınsha qısqasha maǵlıwmatlar – annotaciya beriledi.

«Kitapqumarlıq hám kitap oqıw mádeniyatın keń úgit-násiyatlaw» shárti. Bunda qatnasıwshı tárepinen kitapqumarlıq hám kitap oqıw mádeniyatın úgit-násiyatlaw processi ámelge asırıladı.

Qatnasıwshılardı bahalap barıw ushın Qaraqalpaqstan Respublikası ruwxıylıq hám aǵartıwshılıq orayı Ózbekstan hám Qaraqalpaqstan jazıwshılar awqamı aǵzası Sh.Ayapov, Jazıwshılar ayaqamı aǵzası jazıwshı A.Abdiev, Qaraqlpaqstan Respublikası Málimleme resurs orayı, elektron resurslarınan paydalanıw hám oqıw bólimi baslıǵı J.Tilewbaevalar tóreshiler quramı aǵzaları sıpatında qatnastı. Tóreshiler tárepinen hár bir qatnasıwshı tańlaw tártibi boyınsha bahalanıp, tańlaw juwmaǵında 1-orın Qaraqalpaq mámleketlik universiteti Yuridika fakulteti studenti E.Yusupov, 2-orın Qaraqalpaq mámleketlik universiteti Sanaat texnologiya fakulteti studenti N.Qaljanova 3-orın SamVMI  nókis filialı studenti A.Sarsenbaevalar iyeledi. Tańlawdıń keyingi aymaqlıq basqıshına 1-orın jeńimpazı Qaraqalpaq mámleketlik universitetinde Yuridika fakulteti studenti E.Yusupov jollama aldı.