«11-oktyabr Xalıqaralıq qızlar kúni» múnásibeti menen Berdaq atındaǵı Qaraqalpaq mámleketlik universiteti Hayal-qızlar keńesi tárepinen universitette bayram ilajı shólkemlestirildi. Bayram ilajın QMU rektorınıń Hayal-qızlar máseleleri boyınsha másláhatshisi I.Seytnazarova ashıp berdi hám bayramǵa jıynalǵanlardı «Xalıqaralıq qızlar kúni» menen qutlıqladı. Bayramda universitette bilim alıp atırǵan eń ziyrek, qábiletli hám talantlı qızlardıń qol ónerleri kórgizbesi islendi. Bunnan soń universitet hayal-qızlar keńesi janında shólkemlestirilgen «Qızlarjan», « Sheber qollar», «Milliy kesteshilik», «Gilemshilik», «Gozzallıq sırları», «Sport hám salamatlıq», «Aspazlıq sırları» hám t.b. klub hám dógereklerde alıp barılıp atırǵan jumıslar kózden ótkerilip, bul dógerekler jańadan saylanǵan aǵzalarǵa tanıstırıldı. Bayram ilajı universitet talantlı qızlarınıń koncert baǵdarlaması menen dawam etti.

QMU Hayal- qızlar keńesi