2020/2021-oqıw jılınan baslap Qaraqalpaq mámleketlik universiteti Qurılıs fakulteti magistrantları ushın Shveciyanıń jetekshi universitetlerinen bolǵan Uppsala universiteti professor-oqıtıwshıları menen birgelikte onlayn sabaqlardı alıp barmaqta. 2020/2021-oqıw jılında bul onlayn sabaqlarda qurılıs fakulteti magistrantlarına Shveciyanıń Uppsala universiteti professorı Larsh Rayden onlayn sabaq ótken bolsa, al 2021/2022 oqıw jılında bolsa bul onlayn sabaqta Ózbekstannıń segiz universiteti magistrantları hám professor oqıtıwshıları, Shveciyanıń Uppsala universitetinen tısqarı Stokgolm Korollik texnologiya universiteti professor-oqıtıwshıları da qatnastı. Bunda Ózbekstannan Qaraqalpaq mámleketlik universitetinen tısqarı Úrgenish mámleketlik universiteti, Samarqand mámleketlik universiteti, Samarqand mámleketlik arxitektura-qurılıs institutı, Tashkent mámleketlik texnika universiteti, Tashkent ekonomika universiteti Samarqand filialı, Jizzax politexnika institutı magistrantları da qatnastı. Bul magistrantlar ushın sabaqlar ingliz tilinde alıp barıldı. Sabaqlardı Shveciyalıq professor-oqıtıwshılar menen birgelikte Ózbekstanlıq professor-oqıtıwshılar da alıp bardı. Atap aytqanda Qaraqalpaq mámleketlik universiteti Qurılıs fakulteti «Imaratlar hám soorujenieler qurılısı» kafedrası baslıǵı doc.Rustam Eshniyazov, Samarqand mámleketlik arxitektura-qurılıs institutı ilimiy isler prorektorı doc.Abror Gadaev, Tashkent ekonomika universiteti Samarqand filialı oqıw isleri boyınsha prorektorı doc.Farxod Axrorov, Samarqand mámleketlik universiteti «Fizika» kafedrası baslıǵı prof.Eshquvvat Arziqulovlar ingliz tilinde onlayn sabaqların alıp bardı. 2022/2023-oqıw jılında bul onlayn sabaqqa jáne qosımsha Nawayı kánshilik institutı Nókis filialı hám Ózbekstan milliy universiteti magistrantları da qosılıwı rejelestirilmekte. «Imaratlar hám soorujenieler qurılısı»  baslıǵı R.Eshniyazov «Turaqlı qala qurılısı» hám «Aral mashqalası hám onıń qurılıs tarawına unamsız tásirleri» atamasındaǵı onlayn sabaqların ótti.