Búgin  Qaraqalpaq mámleketlik universiteti bas imaratınıń májilisler zalında Ózbekstan Respublikası Ádillik ministrligi janındaǵı “Intellektual múlk orayı” mámleketlik mekemesi qánigeleri menen universitet alımları, professor-oqıtıwshıları, doktorantları hám student-jasları arasında ushırasıw ótkerildi.

Ushırasıwǵa Ózbekstan Respublikası Ádillik ministrligi janindaǵı “Intellektual múlk orayı” mámleketlik mekemesi Málimleme resursı ha’m “Texnologiyalar hám innovaciyalardı qollap quwatlaw orayı” bólimi baslıǵı Raxmonov Sunnatulla Ablayarovich, Ózbekstan Respublikası Ádillik ministrligi janı    ndaǵı “Intellektual múlk orayi” mámleketlik mekemesi “Oylap tabıwlar hám paydalı modeller” bólimi baslıǵı Abdukadirov Ikrom Toxirovich, Qaraqalpaqstan Respublikası Ádillik ministrligi Intellektual múlk obektlerin qorǵaw bólimi bas másláhátshisi Esnazarov Nuralı, Ilimiy-izertlewler, innovaciyalar hám ilimiy pedagog kadrlardı tayarlaw bólimi baslıǵı Nizamatdinov Qayrat hámde “Texnologiyalar hám innovaciyalardı qollap-quwatlaw orayı” qánigeleri qatnastı.

Ushırasıwda qánigeler tárepinen intellektual múlk obektlerin qorǵaw, paydalı model, sanaat úlgileri hám oylap tabılıwlar ushın alınatuǵın patentler, elektron esaplaw mashinaları hám maǵlıwmatlar bazaları ushın alınatuǵın gúwalıqlar, olardıń beriliw tártipleri, patent hám gúwalıqlar alıw ushın tapsırılatuǵın hújjetler haqqında keń túrde túsinikler berildi hámde ushırasıw qatnasıwshıları kún tártibindegi máseleler boyınsha ózlerin qızıqtırǵan sorawlarına tiyisli juwapların aldı.