Pedagogikalıq ámeliyat joqarı maman qánigelerdi – orta arnawlı hám ulıwma orta talim oqıtıwshıların tayarlawǵa tiyisli oqıw procesiniń ajıralmaytuǵın talim sistemasında sabaq processinde alınǵan teoriyalıq bilimlerdi ámeliyatda bekkemlew hám studentlerde pedagogikalıq uqıp hám ámeliy kónlikpelerdi payda etiwden ibarat. Berdaq atındaǵı Qaraqalpaq mámleketlik universitetiniń Geografiya hám tábiyiy resurslar fakulteti geografiya tálim baǵdarınıń 4B-kurs toparı studentleri QMU liceyinde ámeliyatta bolıp, ózleriniń universitettegi ustazlarınan alǵan teoriyalıq bilimin ámeliyatta jánede bekkemlep, keleshektegi kásip jolları ushın tájriybeler toplamaqta.

QMU liceyinde Berdaq atındaǵı Qaraqalpaq mámleketlik universitetiniń Geografiya hám tábiyiy resurslar fakulteti geografiya tálim baǵdarınıń 4B-kurs toparı studentleri hám licey jámááti menen birgelikte «Geografiya sırlar álemi» atlı geografiyalıq keshe shólkemlestirildi.

Keshege universitetimizdiń Geografiya fakulteti professor-oqıtıwshıları docent G.Xodjaeva, G.Bekpolatova, K.Allanazarov, úlken oqıtıwshıları M.Tursinov, G.Nauruzbaeva, assistent Q.Daljanov hám B.Alievalar, QMU liceyiniń tábiyiy pánler kafedrasiniń basliǵi G.Nurimbetova hám geografiya páni oqıtiwshısi A. Uteniyazova, pán oqıtıwshıları hám licey oqıwshıları qatnastı.

Keshe dawamında student jaslar tárepinen tayarlanǵan bir neshe geografiyalıq oyınlar, tańlawlar hám kewil kóteriwshi koncert baǵdarlamaları tamashagóylerge inam etildi. Barlıq ótkerilgen jarıslarda jeńimpaz bolǵan licey oqıwshıları ámeliyatshı studentler tárepinen bahalı sawǵalar hám “Húrmet jaqlıq”ları menen sıylıqlandı.

Ekonomikalıq hám sociallıq geografiya kafedrası úlken oqıtıwshısi G.T.Nauruzbaeva

4b-kurs geografiya tálim baǵdarı student S. Tairov.