Sońǵı jıllarda mámleket siyasatınıń baslı baǵdarlarınan biri – jámiyette milletleraralıq tatıwlıq hám keńpeyillikti támiyinlew, doslıq ortalıǵın hám kóp milletli úlken bir shańaraq sezimin bekkemlew, jaslardı Watanǵa muhabbat hám sadıqlıq ruwxında, milliy hám ulıwma insanıylıq qádiriyatlarǵa húrmet  ruwxında tárbiyalaw, shet mámleketler menen ruwxıy-aǵartıwshılıq qatnasıqların keńeytiwge qaratılǵan keń kólemdegi jumıslar ámelge asırılmaqta.

QMU Mádeniyat sarayında Tariyx fakultetiniń tyutorları A.Shrazov, B.Esemuratova, K.Najimov, G.Esboganova, B.Ibadullaevlardıń baslaması menen «16-noyabr Xalıqaralıq keńpeyillik (bawrıkeńlik) kúni» múnasibeti menen «Ózbekstan ulıwma úyimiz!» atamasında saz – sáwbetli bayram keshesi shólkemlestirildi.

Keshe dawamında milletleraralıq tatıwlıq, xalıqlar doslıǵın jırlawshı qosıqlar, ayaq-oyınlar hám kórkem, ádebiy shıǵıwlar orın aldı. Bayram keshe joqarı kóterińki ruwxta bolıp, student jaslar arasında ózge milletler hám xalıqlarǵa húrmet hám doslıq ideyası jırlandı.