Húrmetli Prezidentimiz hár dayım shıǵıp sóylewlerinde bársheni, ásirese, jaslarımızdı kitap oqıwǵa shaqırıp, bul áhmiyetli máseleni mámleketlik dárejege kóterip, kitap basıp shıǵarıwdı, tarqatıwdı jolǵa qoyatuǵın bir qatar qararlar qabıl etildi.
Sonday-aq, Húrmetli Prezidentimiz óz sózinde jaslarǵa kitap penen doslasıwdı úgit-násiyatlaw menen birge kitapxanalardı kitap penen bayıtıw kerekligin uqtırdı. Mine us tiykarda Berdaq atındaǵı Qaraqalpaq mámleketlik universitetinıń Málimleme resurs orayına student-jaslardıń oqıp bilim alıwı hám oqıw processinde paydalanıw ushın jańadan 16 atamadaǵı universitetimizdiń professor-oqıtıwshılarınıń avtorlıǵında 800 dana kitap alıp kelindi.
Bul kitaplardıń ataması hám avtorları
«Jeńil atletika» R.Kudratov, I.Najimov
«Qala hám awıl aymaqlar rejelestiriw hám abadanlastırıw» J.Turgaev
«Dene mádeniyatı teoriyası hám metodikası» J.Turdımuratov
«Teaching different age groups» N.Satullaeva
«Jismoniy tarbiya va sport» J.Utegenov
«Menedjment marketing» S.Kalmuratov
«Elektr táminlew tiykarları» I.U.Raxmanov, B.A.Uzakov, A.K.Bijanov
«Qaraqalpaq ádebiyatın oqıtıw texnologiyaları» Q.Yusupov
«Málimleme-kommunikaciya texnologiyaların qollanıw jolı menen mámleketlik xızmetler kórsetiw»
E.Q utıbaeva, B.Daumenov, S.Amaniyazova
«Materialtanıw reńli suwret texnikası hám texnologiyası» A.Ismaylov
«Pul hám bankler» J.Isakov, I.Toymuxammedov, R.Tojiev, Z.Baymuratova, I.Isakov
«Arnawlı pánlerdi oqıtıw metodikası» Q.Yusupov
«Logistika» O.Allanazarov
«Strategiyalıq menedjment» B.Kalmuratov
«Termodinamika hám statistikalıq fizika» I.Sarıbaev
«Emocionallıq taraw diagnostikası metodikaları»G.Aljanova,N.Pirniyazova
Maǵlıwmat ushın Berdaq atındaǵı Qaraqalpaq mámleketlik universitetinıń Málimleme resurs orayında 553954 nusqada kitap fondı bar bolıp, sonnan oqıwlıq oqıw qollanbalar-362857 nusxada, ilimiy ádebiyatlar-99073 nusqada, kórkem ádebiyatlar 36673 nusqada, sırt el ádebiyatları- 4607 hám basqa ádebiyatlar 50744 nusqada kitaplar bar. Bul óz gezeginde student-jaslardıń oqıp tereń bilim alıwı ushın xızmet etedi. Bizde universitetimiz jámááti búgingi óz dóretiwshilik miynetlerin keń jámiyetshilikke usınıp atırǵan ustazlarımızǵa aldaǵı jumıslarında tabıslar tilep, bárshe student-jaslardı kitap oqıwǵa shaqırıp qalamız.
QMU baspasóz xızmeti
