«Jas jurnalistler klubı»nın náwbettegi májilisi «Sharap Usnatdinovtıń sheberlik mektebi» dep ataldı. Usı jıldın 3-noyabr sánesinde Qaraqalpaq filologiyası hám jurnalistika fakultetinde ótkerilgen ushırasıw keshesine Ózbekstan Respublikası jurnalistlerdi qollap-quwatlaw fondı Qaraqalpaqstan Respublikası bólimi baslıǵı Kenesbay Reymov, shayır Rawaj Otarbaev, jurnalistika kafedrası baslıǵı docent D.Bekbauliev, docent Z.Qojıqbaeva, jurnalistika qánigeligi toparınıń tyutorı M.Reymov hám jurnalistika qánigeliginiń student-jasları qatnastı.

  Bıyıl jurnalist hám jazıwshı, jámiyetlik ǵayratker, «El jurt húrmeti» ordeni iyesi Sharap Usnatdinovtıń tuwılǵanına 80 jıl tolıw múnásiybeti menen shákirti Rawaj Otarbaevtıń «Salmaqlı sóz aytıw baxtı» atamasındaǵı kitabınıń prezentaciyası ótkerildi. Sózge shıqqan bayanatshı Sh.Usnatdinovtıń omiri hám jurnalistlik xızmetleri boyınsha bayanat jasadı.   

   Sózge shıqqan Ózbekstanǵa xızmet kórsetken jurnalist Keńesbay Reymov jurnalist xızmetiniń quramalıǵı, obekt tabıw,  tema qoyıw sheberligi, kadrlardı tańlaw baǵdarındaǵı iskerligi boyınsha atap ótti.

     Rawaj Otarbaev tárepinen baspadan shıqqan «Salmaqlı sóz aytıw baxtı» atamasındaǵı kitabı kafedraǵa sawǵa etildi. Ushırasıw keshesinde student jaslar ózlerin qızıqtırgan sorawlarına juwaplar aldı. «Jas jurnalistler klubı» nıń aǵzaları jurnalist Sh.Usnatdinov shıǵarmaları boyınsha pikirleri menen ortaqlastı.

Gulchehra Aytmuratova,

QMU, Jurnalistika kánigeligiń 3-kurs studenti