Dene mádeniyatı fakulteti jaslar menen islesiw boyınsha dekan orınbasarı R.Óteniyazov, tyutor J.Abdiev hám N.Aytniyazovalar tárepinen universitetimizdiń 1-2-8-sanlı studentler turar úylerinde jasawshı  studentlerdiń jasaw shárayatları úyrenildi. Hár bir studenttiń jasaw xanalarına barıp, olar menen sáwbetlesiw ótkerildi.

Úyreniw dawamında xanalar tazalıǵı, texnikalıq qáwipsizlik qaǵıydalarına ámel etiwi, keshki waqıtları biymezgil júrmew, studentler turar jayı tártip-intizamına boysınıw, yaǵnıy Ózbekstan Respublikası Joqarı hám orta arnawlı bilim ministrliginiń 2019-jıl 1-noyabr kúngi 10/19-sanlı buyrıǵı tiykarında qabıl etilgen universitettiń 2019-jıl 9-noyabr kúngi 905D/1-sanlı buyrıǵı qosımshasına muwapıq tastıyıqlanǵan «Studentler hám oqıwshılar turar úyi haqqında reje»niń mazmunı hám áhmiyeti menen tanıstırıldı.

Sonday-aq, student-jaslardıń bos waqıtların mazmunlı ótkeriw, yaǵnıy paydalı isler menen bánt ekenligi úyrenilip hár bir student óz ústinde islew jumısların jáne de kúsheytiw boyınsha úgit-násiyatlaw jumısları alıp barıldı. Ilajdi ótkeriwden tiykarǵı maqset studentler menen tıǵız islesiw, olardıń tálim-tárbiya alıwları ushın zárúr shárayatlar jaratıw, mashqalaların tıńlaw hám onı saplastırıw bolıp tabıladı.

J.Abdiev
Dene mádeniyatı fakulteti tyutorı