6 sanlı Studentler turar úyinde qaraqalpaq filologiyası hám jurnalistika fakulteti hayal-qızlar máseleleri boyınsha dekan másláhátshisi A.Qazaqbaeva, tárbiyashı-pedagog K.Ernazarova, universitet psixologi G.Reymbaeva hám student qızlar menen birgelikte ushırasıw ótkerilip, onda psixolog tárepinen hár qıylı psixologiyalıq seminar treningler bolıp ótti. Seminarda universitet psixologi G.Reymbaeva qızlardıń kewil keypiyatın biliw ushın hár qıylı psixologiyalıq shınıǵıwlar hám treningler alıp bardı. Yaǵnıy, búgingi kewil keypiyatın sóz benen aytıw menen birge, onı ım-ishara arqalı da mimikalar menen ámelde kórsetip beriw. Bul oyınlar qızlardıń azda bolsa kewil keypiyatınıń kóteriliwine, sergekleniwine alıp keldi.

Bunnan soń psixolog G.Reymbaeva shańaraq hám basqa sebeplerge baylanıslı azıkem táshwishlenip júrgen, yaki hár qıylı sebepler menen kewil xoshı bolmay júrgen ayırım student qızlar menen jaqınnan sırlasıp sóylesip, olardı tıńlap, paydalı másláhátlerin berdi. Bunnan qızlarımız ózlerine jaqsı tásirler aldı.

Qaraqalpaq filologiyası hám jurnalistika fakulteti hayal-qızlar máseleleri boyınsha dekan másláhátshisi A.Qazaqbaeva