1991-jıl 18-noyabr – Ózbekstan Respublikası Mámleketlik bayraǵı qabıl etilgen kún. Usı sáne múnásibeti menen Dene mádeniyatı fakultetinde «Bayraǵımız – maqtanıshımız hám ar-namısımız» atamasında ushırasıw ótkerildi. Ilajǵa Dene mádeniyatı fakultetiniń jaslar menen islesiw boyınsha dekan orınbasarı R.Óteniyazov, oqıw isleri boyınsha dekan orınbasarı A.Nurjanov, QMU «Jınayıy huqıqıy hám puqaralıq huqıqıy pánler» kafedrası úlken oqıtıwshısı D.Saparov, professor-oqıtıwshılar, tyutorlar hám student-jaslar qatnastı.
Ushırasıwda bayanatshılar qatnasıwshılardı Ózbekstan Respublikası mámleketlik bayraǵı haqqındaǵı Nızamnıń qabıl etilgenliginiń 31 jıllıǵı menen qutlıqlap, búgin milliy bayraǵımız hár bir mákeme, oqıw orınları, Ózbekstan aǵza bolǵan shólkemler, shet ellerdegi elshixanalarda jelbirep turǵanlıǵı, sonday-aq, elimizde ótkeriletuǵın hár túrli bayram saltanatlarında, mámleketimiz aǵzaları qatnasıp atırǵan xalıqaralıq kólemdegi siyasiy, mádeniy-aǵartıwshılıq ilajlarda, abıraylı sport jarıslarında da bayraǵımız Watanımızdıń maqtanıshı, xalqımızdıń ar-namısın jarqın sáwlelendiretuǵınlıǵı, xalıqaralıq sport jarıslarında jeńimpaz bolǵan sportshılarımız ushın bayraǵımız bálent kóterilgen waqqıtta watanımızdıń hár bir puqarası quwanatuǵınlıǵı hám hesh kimnen kem emesligimiz benen maqtanatuǵınlıǵı, bir sóz benen aytqanda mámleketimiz bayraǵı tınıshlıq hám erkin turmısımız, jarqın keleshegimizge bolǵan isenimimiz tımsalı bolıp tabılatuǵınlıǵı atap ótti. Ótkerilgen ilajdıń tiykarǵı maqseti jaslarımızdı mámleketlik nıshanlar, olardıń mazmunı hám áhmiyeti menen tanıstırıp barıw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
