Jaslardıń jámiyettegi belsendiligin asırıw, qábiletli, ziyrek hám bilimli jaslardı izlep tabıw hám de olardı hár tárepleme qollap-quwatlaw maqsetinde video-rolik tańlawın járiyalaymız.

Video-rolikti tayarlawda tómendegi mazmundaǵı ideyalar sáwlelengen bolıwı kerek.
A) Jaslardıń siyasiy maydandaǵı belsendiligi, parlamentdegi jaslardıń roli hám rawajlanǵan mámleketlerdegi tálim alıwshı jaslar menen birge islesiw usılları;
B) Jaslar turmısı mámleket siyasatı dárejesine kóteriliwi, tarawlardaǵı anıq mısallardaǵı kórinisleri;
S) Elimizdegi kóp milletli Watanlaslarımızdıń awızbirshiligi, tatıwlıǵı hám de milletleraralıq doslıǵınıń turmısta hám de jámiyettegi kórinisleri;
D) Máhálle jaslarınıń turmısı, bos waqıtlarında kásip iyelewge, til úyreniwge hám sport penen shuǵıllanıwlarına qaratılǵan imkániyatlar;
E) Mámleketlik imkániyatlardan keńnen paydalanǵan halda óz miynetiniń arqasında úlken tabıslarǵa erisken jaslardıń motivaciyalıq pikirleri;
F) «Isbilermenlik jas tańlamaydı», «Jas isbilermen el jurt tayanıshı», “Isbilermenlik penen aydın keleshekke” súrenleri astında bizneste óz jolın tawıp, teńleslerin jumıs penen támiyinlep kiyatırǵan jas isbilermenlerdıń jumısları menen tanıstırıw;
G) Intellektuallıq bilim dárejesi tiykarında jetiskenliklerge erisken, ilim úyreniwde kóp miynetlerdi ámelge asırǵan hám jańa baslamalar hám de joybarlar ústinde izlenip kiyatırǵan student-jaslardı keń jámiyetshilikke tanıstırıw;

Video-rolik ushın qoyılatuǵın talaplar.
– Video rolik maksimal 3 minuttan hám 30 mb asıp ketpewi tiyis.
– Video roliktiń mazmunı hám ideyası hám de sapasına itibar qaratıladı.

Áziyz student-jaslar!
Siz joqarıdaǵı ideyalardan kelip shıǵıp videorolik tayarlaysız hám telegram arqalı  33-885-00-77 jollaysız.

Videorolikler usı jıldıń 29-noyabr kúni saat 23-00 ge shekem qabıl etiledi.

Biz Siziń videoroligińizdi kútip qalamız.
Tańlawǵa qatnasıń hám jeńimpaz bolıń!