Búgin Berdaq atındaǵı Qaraqalpaq mámleketlik universitetinde Qaraqalpaq xalqınıń ullı shayırı Berdaq Ǵarǵabay ulınıń 195 jıllıǵına baǵıshlanǵan ádebiy keshe bolıp ótti. Dáslep, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev basshılıǵında universitet jámááti professsor-oqıtıwshıları Berdaq babamızdıń esteligine gúl qoydı. Bunnan soń, Qaraqalpaq mámleketlik universitetinde babamız Berdaq Ǵarǵabay ulınıń 195 jıllıǵına baǵıshlanǵan ádebiy keshe bolıp ótti. Kesheni universitet rektorı A.Reymov ashıp berdi. Ol óz sózinde óz zamanınıń qaharamanı eli-xalqına, keleshek áwladlarǵa ózinen biybaha miyras qaldırǵan tariyxıy tulǵa Berdaq Ǵarǵabay ulınıń 195 jıllıǵı menen jıynalǵanlardı qızǵın qutlıqladı.

  
Sonday-aq, ilajda sózge shıqqanlar, Berdaq babamızdıń óz dáwirinde hár qanday zorlıq-zombılıqlarǵa qarsı turıp, jámiyettegi jaman illetlerdi áshkaralap, óz zamanlasların awızbirshilikli, márt bolıwǵa shaqırıp, ásirese, keleshek áwladtıń bilim alıwı ushın bar kúsh-jigerin xalıq ushın jumsaǵan mártlikleri pidayılıǵı haqqında aytıp, dóretiwshilik shıǵarmalarına úzindiler keltirdi. Sonıń menen bir qatarda universitetimizdin belsendi studen-jasları tárepinen tayalanǵan koncert baǵdarlaması jıynalǵanlardıń názerine usınıldı.

QMU baspasóz xızmeti