Aldın xabar bergenimizdey Berdaq atındaǵı Qaraqalpaq mámleketlik universiteti rektorı A.Reymov tárepinen barlıq fakultetlerde, kafedralarda ámelge asırılıp atırılǵan jumıslar, jetiskenlikler, sonıń menen bir qatarda, jol qoyılǵan qáte-kemshiliklerdi óz waqtında saplastırıw boyınsha professor-oqıtıwshılar menen ushırasıw kestesi tastıyıqlanıp, usı tiykarda fakutet dekanlarınıń 2021/2022-jıllarda ámelge asırılǵan jumısları boyınsha esabatları tıńlanbaqta.
Búgin 28-noyabr kúni Arxitektura fakulteti professor-oqıtıwshıları menen ushırasıw ótkerildi. Onda universitet rektorı A.Reymov, barlıq prorektorlar fakultet dekanı, dekan orınbasarları, kafedra baslıqları hám professor-oqıtıwshılar qatnastı.
Dáslep, universitet rektorı A.Reymov sózge shıǵıp, sońǵı jılları universitetimizdegi ámelge asırılıp atırılǵan jumıslar, jetiskenlikler menen mashqalalar, keleshektegi joybarlar haqqında aytıp ótti.
Ushırasıwda rektor A.Reymov fakultette alıp barılıp atırılǵan jumıslar, oqıw processi, shet el qánigeleri menen birge islesiwler, professor-oqıtıwshılarınıń qánigeligin jetilistiriwi, hám 2021/2022-jıllarda jaqlaǵan ilim doktorları (DSc, RhD) haqqında toqtalıp, bul boyınsha anıqlanǵan qáte-kemshiliklerdi qatań sınǵa aldı. Sonday-aq, jol qoyılǵan qáte-kemshiliklerdi óz waqtında saplastırıw boyınsha usınısların bildirip, fakultet professor-oqıtıwshılarınıń pikir usınısların tıńladı.
Bunnan soń, ushırasıwda Arxitektura fakulteti dekanı B.Qidirbaev fakultette 2021/2022-jıllarda ámelge asırılǵan oqıw processi, ilimiy hám innovaciya isleri, xalıq aralıq birge islesiwler, jaslar menen islesiw, ruwxıy-aǵartıwshılıq jumısları hám aldaǵı (2026-jılǵa shekemgi) perspektivalıq jumıslar haqqında bayanat jasadı.
QMU baspasóz xızmeti
