Bıyıl qaraqalpaq tiline mámleketlik til biyligi berilgenligine 33 jıl tolıw múnásibeti menen usı jıldıń 1-dekabr kúni Berdaq atındaǵı Qaraqalpaq mámleketlik universiteti student-jasları arasında “Til – millettiń ruwxı” atamasında qaraqalpaq tili boyınsha jarıs ótkeriledi.
Tańlawdı ótkeriwden tiykarǵı maqset, Prezidentimizdiń elimizde alıp barılıp atırılǵan mámleketlik sıyasatı tiykarında jaslarımızdı watansúyiwshilik ruwxında tárbiyalaw, olardıń bos waqıtların mazmunlı ótkeriw hám bilim dárejesin jetilistiriw.
Jarısqa qoyılatuǵın talaplar:
- Jarıs komandalıq oyın bolıp, hárbir komanda 5 studentten aspawı hám komanda qatnasıwshıları bir fakultetten bolıwı shárt. Hárbir fakultetten bir komanda qatnasıwı múmkin.
- Jarısqa qatnasıwdı qálewshi studentler ózleriniń komanda quramın 2022-jıl 30-noyabr kúnine shekem fakultet dekanlarınıń jaslar máseleleri hám ruwxıy aǵartıwshılıq isleri boyınsha orınbasarlarına tapsırıwı tiyis.
Jarıstıń shártleri:
1-shárt. “Parazit (orınsız) sózlerden tazala” dep ataladı. Bul shártte qatnasıwshılarǵa kúndelikli turmısta kóp qollanılatuǵın 20 dana parazit (orınsız) sózler (qaraqalpaq ádebiy tiline jat bolǵan jargonlar, basqa tillerden kirip kelgen sózler) qatnasqan hár túrli gápler beriledi. Komandalar gáplerdegi parazit sózlerdi qollanıwǵa jaramlı, qaraqalpaq ádebiy tilinde bar bolǵan sózlerge almastırıp jazıwı kerek. Waqtı: 20 minut. Tóreshiler quramı gáplerdegi dúzetilgen sózlerdiń kontekst mazmunına muwapıqlıǵına, komandalardıń sóz baylıq dárejesine qarap bahalaydı. Bul shártte tóreshiler quramı óz ara oylasqan halda hárbir durıs juwap ushın 2 ball, maksimal 40 ball qoyıwı múmkin. (40 ball)
2-shárt. “Súwretlerden naqıldı tap” dep ataladı. Bul shártte barlıq komandalarǵa 10 dana arnawlı tayarlanǵan súwretler birikpesi kórsetiledi. Komandalar 10 minut ishinde bul súwretlerde sáwlelengen naqıllardı tabıwı hám jazıwı kerek. Hárbir durıs juwap ushın – 3 ball. (30 ball)
3-shárt. “Orfografiyalıq qátelerdi tap” dep ataladı. Bul shártte komandalarǵa 30 soraw test beriledi hám sheshiw ushın 15 minut waqıt beriledi. Hárbir durıs juwap ushın – 1 ball. (30 ball)
Jarıs jeńimpazların sıylıqlaw:
Jarısta jeńimpazları universitet rektorı tárepinen diplom hám estelik sawǵaları menen sıylıqlanadı.
Shólkemlestiriw komitetiniń mánzili: Qaraqalpaq mámleketlik universiteti Jaslar menen islesiw, ruwxıylıq hám aǵartıwshılıq isleri bólimi janında dúzilgen «Maǵripat» klubı.
Juwapkerler: Telefon:
Muxammedyar Jarekeev (97) 500-14-44
Uluǵbek Berdimuratov (33) 020-01-93
Ernazar Yusupov (99) 091-02-18
Maǵlıwmat ushın ⬇️
https://t.me/magripat_klubi
