Berdaq atındaǵı Qaraqalpaq mámleketlik universiteti hám Notarial palatası Qaraqalpaqstan Respublikası aymaqlıq basqarması menen yuridikalıq kadrlardı tayarlaw tarawındaǵı óz-ara birge islesiw haqqında memorandum dúzildi.
Onda Berdaq atındaǵı Qaraqalpaq mámleketlik universiteti rektorı A.Reymov hám Notarial palatası Qaraqalpaqstan Respublikası aymaqlıq basqarması baslıǵı Z.Yaxıpovlar joqarı maman yuridikalıq kadrlardı tayarlawdıń nátiyjeli mexanizmlerin engiziw maqsetinde birge islesiw memorandumına qol qoydı.
Memorandumnıń tiykarǵı maqseti joqarı maman yuridikalıq kadrlardı tayarlaw tarawında birge islesiwdi rawajlandırıw, studentlerdiń teoriyalıq hám ámeliy tayarlıǵı arasında baylanıstı támiyinlew, olarda ámeliy iste zárúr bolǵan kónlikpelerin qáliplestiriw, sonday-aq, Palata hám universitet ortasında joqarı maman kadrlardı tayarlaw tarawında jaqınnan birge islesiwdi ornatıw, studentlerdi Palata iskerligine keń tartıw, Palata hám notarial keńselerde islew qálewin bildirgen universitettiń bakalavriat hám magistratura basqıshı studentlerin Palatanıń quramlıq bólimlerine jumısqa usınıs etip barıw hám de bos jumıs oranları yarmarkasın shólkemlestiriw bolıp tabıladı.
QMU baspasóz xızmeti
