Hár jılı dunyanıń kóplegen mámleketlerinde 25-noyabr «Hayallarǵa basım hám zorlıqqa qarsı kúni» sıpatında keń túrde belgilenedi. Sol múnásibet penen Yuridika fakultetinde fakultet hayal-qızlar máseleleri boyınsha dekan másláhátshisi G.Pirniyazova, tyutorlar hám student-jaslar menen birgelikte ilaj shólkemlestirildi.

Ilajǵa Din isleri boyınsha komitetiniń Qaraqalpaqstan Respublikası aymaqlıq basqarmasınıń qánigesi B.Ayımbetova, Muxammed Baxıy iyshan meshitiniń bas imamı Sh.Xudaybergenov, Nókis qalalıq IIO JMB JKB XPT XKMB aǵa inspektorı mayor A.Namenova, inspektor aǵa leytenant A.Tanirbergenovalar qatnastı.

Bunda mámleketimizde basım hám zorlıqqa ushıraǵan hayal-qızlarǵa járdem kórsetiw mexanizmi haqqında aytıp ótti. Ásirese gender teńligin támiynlew, basım hám zorlıqtıń aldın-alıw, qorǵanıw orderlerdiń mánisi, múddetleri, alıw tártipleri haqqında aytıldı. Ushırasıw sońında soraw-juwaplar ótkerildi.