«Zakovat» bul aqıl bellesiwi esaplanıp, onda ullı ata-babalarımızdıń múnásip izbasarları qatnasadı hám intellektuallıq potencialı, qábileti, izleniwsheńligi, baslamashı hám de jetekshiligi menen kópshilikti tań qaldıradı.
1-dekabr – Qaraqalpaq tili bayramı kúni múnásibeti menen, sonday-aq, Ózbekstan Respublikası Prezidentiniń 2022-jıl 20-yanvar kúngi «Zakovat» intellektuallıq oyının xalıq arasında ǵalabalıq-aǵartıwshılıq háreketke aylandırıw hám basqa intellektuallıq oyınlardı rawajlandırıwǵa baylanıslı is-ilajlar haqqında»ǵı PQ-96-sanlı qararınıń orınlanıwın támiyinlew maqsetinde Dene mádeniyatı fakulteti student-jasları arasında «ZAKOVAT» intellektual oyını ótkerildi.
Bellesiwge 1,2,3,4-kurs studentlerden ibarat 12 komanda qatnasıp, olardıń teoriyalıq bilimleri, logikalıq oylaw qábileti, intellektuallıq potencialı sınaldı. Oyın qızǵın bellesiwlerge bay bolıp, kúshli, bilimli, ziyrek hám qábiletli studentler anıqlanıp, yaǵnıy, I-orındı «Kreativ» toparı, II-orındı «Ziyrekler» toparı, III-orındı «Million» toparı jeńip alıwǵa miyasar boldı
«Zakovat» bellesiwinde jeńimpaz bolǵan studentler shólkemlestiriwshiler tárepinen tayarlanǵan diplomlar hám estelik sawǵaları menen múnásip sıylıqlandı. Ótkerilgen bellesiwdiń maqseti jaslardıń intellektuallıq potencialı, qábilet hám izleniwsheńligi, baslamashı hám jetekshiligi, iyelegen bilim hám de ilim sırların júzege shıǵarıwları ushın imkaniyat jaratıw, sonday-aq, olar arasında salamat ilimiy-aǵartıwshılıq ortalıqtı qáliplestiriw, kitapqumarlıqtı úgit-násiyatlaw hám rawajlandırıw, ullı ata-balalarımızǵa múnásip bolǵan bárkamal áwladtı tárbiyalaw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
