Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám  jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta. Bunıń ayqın dáliyli sıpatında usı jıldıń 11-13-dekabr kúnleri Xorezm wálayatında Ózbekstan Respublikası Prezidenti sıylıǵı ushın Kurash boyınsha Paxlavon Mahmud esteligine baǵıshlap jaslar arasında ótkerilgen III xalıqaralıq turnirine 66 kg salmaq kategoriyası boyınsha qatnasqan Qaraqalpaq mámleketlik universiteti Dene mádeniyatı fakultetiniń 1-kurs studenti Asadbek Aytbaev sıylı 3-orın jeńimpazı boldı. Sportshımızdı qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz. Sportshımızdı dene mádeniyatı teoriyası hám metodikası kafedrası assistenti, tájiriybeli trener Ravshan Xolekov tayarladı.

  Dene mádeniyatı fakulteti jámááti