Qaraqalpaq mámleketlik universiteti Biologiya fakulteti Ulıwma biologiya hám fiziologiya kafedrası Biologiya tálim baǵdarı pitkeriwshi studentlerdi jumıs penen támiynlew maqsetinde Ózbekstan Respublikası Ilimler akademiyası Qaraqalpaqstan bólimi hám Qaraqalpaqstan Respublikası Xalıq bilimlendiriw ministrligi xızmetkerleri menen ushırasıw bolıp ótti. Ushırasıwǵa Ózbekstan Respublikası ilimler akademiyası Qaraqalpaqstan Respublikası bólimi Qaraqalpaq Tábiyat ilimleri ilim izertlew institutı úlken ilim xızmetkeri biologiya ilimleri filosofiya doktorı R.Temirbekov, Qaraqalpaqstan Respublikasi Xalıq bilimlendiriw ministrliginiń kadrlar bólimi jetekshi qánigesi X.Abdijabbarovlar qatnastı. Ushırasıwdı fakultet dekanı Ya.Ametov ashıp berdi hám basqarıp bardı.

Biologiya fakulteti dekanı Ya.Ametov óz sózinde mekeme wákillerine fakultet haqqında maǵlıwmat berip ótti. Ulıwma biologiya hám fiziologiya kafedrası b.i.k., docenti S.Seytnazarov kafedra haqqında hám tálim alıp atırǵan 5140100 – Biologiya tálim baǵdarlarınıń ótilip atırǵan pánleri, olardıń pedagogika ámeliyatı haqqında aytıp ótti. Keyin mekeme wákilleri shıǵıp, óz mekemeleri haqqında maǵlıwmat berip ótti, bos jumıs orınları haqqında maǵlıwmat berdi. Sonıń menen birge kárxana wákilleri menen professor oqıtıwshılar hám pitkeriwshi studentler arasında óz ara pikir almasıwlar boldı.