Qaraqalpaq mámleketlik universiteti Yuridika fakultetinde yurisprudenciya tálim baǵdarı pitkeriwshi studentlerin jumıs penen támiynlew maqsetinde ushırasıw bolıp ótti.
Onda Qaraqalpaqstan Respublikası ádillik ministrligi, Qaraqalpaqstan respublikası sudı, Qaraqalpaqstan Respublikası ishki isler ministrligi, Qaraqalpaqstan Respublikası prokuraturası, Ózbekstan Respublikası Advokatlar Palatasınıń Qaraqalpaqstan Respublikası aymaqlıq bólimi, Ózbekstan Respublikası Bas Prokuraturası janındaǵı Májbúriy orınlaw byurosınıń Qaraqalpaqstan Respublikası basqarması xızmetkerleri qatnastı.
Ushırasıwdı fakultet dekanı F.Qutlımuratov ashıp berdi hám qatnasıwshılarǵa fakultetimizde házirde tayarlanıp atırǵan bakalavr baǵdarı hám studentlerimiz haqqında aytıp ótti. Fakultet studentleriniń qánigelik ámeliyatları bakalavr baǵdarlarına sáykes yurisprudenciya tarawı boyınsha ótkeriliwi nátiyjeli jolǵa qoyılǵanlıǵı, ámeliyat dáwirinde studentler teoriyalıq bilimlerin ameliyatta qollanıp bilimlerin elede arttırıp atırǵanlıǵın atap ótti.
