Berdaq atındaǵı Qaraqalpaq mámleketlik universitetinde Arqa batıs áskeriy okrugi tárepinen Qurallı Kúshler akademiyasına «Psixologiya (áskeriy psixologiya)» tálim jónelisine talabanlardı oqıwǵa shaqırıw boyınsha ushırasıw bolıp ótti. Onda universitetimizdiń Kórkem óner fakultetinıń ámeliy psixologiya qánigeligi student-jasları qatnastı. Ilajdı universitetimizdıń oqıw isleri boyınsha prorektorı O.Duysenbaev ashtı hám basqarıp bardı.
Xabarıńız bar Ózbekstan Respublikası Prezidentiniń 2022-jıl 8-sentyabr kúngi PQ-371-sanlı Qararına tiykar 2023/2024-oqıw jılınan baslap Ózbekstan Respublikası Qurallı Kúshler akademiyasında kúsh sistemasında «Psixologiya (áskeriy psixologiya)» tálim jónelisi boyınsha ofitser kadrlardı tayarlaw jolǵa qoyıladı.
Usı tiykarda Arqa batıs áskeriy okruginen kelgen miymanımız polkovnik U.Dusmatov Psixologiya hám pedagogika tálim jónelisi boyınsha ekinshi kurstı tamamlaǵan student-jaslardı eki jıllıq dástúr tiykarında oqıwǵa qamtıp alıw sonday-aq, oqıwǵa qabıllaw shártleri haqqında túsindirip ótti. Ushırasıwda student-jaslar ózleriniń qızıqtırǵan sorawlarına juwaplar aldı.
QMU baspasóz xızmeti
