Házirgi waqıtta Nókis qalalıq 22-sanlı ulıwma bilim beriw mektebinde pedagogikalıq ámeliyatın ótep atırǵan Dene mádeniyatı fakultetiniń hayal-qızlar sportı tálim baǵdarı 4-kurs studentleri tárepinen Ózbekstan Respublikası Prezidenti tárepinen jaslar mánawiyatın joqarılatıw hám olardıń bos waqıtların mazmunlı shólkemlestiriw boyınsha 5 baslama sheńberinde 2022-jıl 16-dekabr kúni mektep oqıwshıları arasında «Bes baslama sport festivalı» ótkerildi.
Ilajda mektep oqıwshılarınıń sport túrleri boyınsha hár túrli shıǵıwları boyınsha kórgizbeleri tamashagóyler názerine usınıldı hám student-jaslar tárepinen oqıwshılar ushın sheberlik sabaqları ótkerildi. Ótkerilgen ilajdıń tiykarǵı maqseti Prezidentimiz tárepinen ilgeri súrilgen jaslar mánawiyatın joqarılatıw hám olardıń bos waqıtların mazmunlı ótkeriw boyınsha áhmiyetli bes baslama hám sporttı rawajlandırıw boyınsha qabıl etilip atırǵan húkimet qaralarınıń orınlanıwın támiyinlew, sonday-aq, oqıwshılar arasında salamat turmıs tárizi kónlikpelerin qáliplestiriw, orta mektepler menen birge islesiwdi jáne de kúsheytiw bolıp tabıladı.
R.Óteniyazov Dene mádeniyatı fakultetiniń
jaslar menen islesiw boyınsha dekan orınbasarı
