Berdaq atındaǵı Qaraqalpaq mámleketlik universitetiniń student-qızları arasında jınayatshılıq hám huqıqbuzarlıqlardıń aldın alıw hám de jaslar arasında unamsız illetlerge qarsı gúresiw boyınsha ilaj bolıp ótti.

Onda Berdaq atındaǵı Qaraqalpaq mámleketlik universitetiniń rektor máslátshisi I.Seyitnazarova, Nókis qalalıq IIO JMB JKB QPT QKMB aǵa inspektorı podpolkovnik A.Namenova, Yuridika fakulteti professor-oqıtıwshıları hám studentlerinen dúzilgen isshi topar aǵzaları, hayal-qızlar máseleleri boyınsha dekan másláhátshileri hám universitet student-qızları qatnastı.

Ilájda student-jaslar arasında, ásirese hayal-qızlar arasında júz berip atırǵan huqıqbuzarlıqlar haqqında taraw qánigeler tárepinen maǵlıwmatlar berilip, jınayatshılıqtıń aldın alıw menen baylanıslı videorolikler studentler názerine usınıldı. Ilaj juwmaǵında student-jaslar ózlerin qızıqtırǵan sorawlarına juwaplar aldı.