Berdaq atındaǵı QMU Hayal qızlar másláhát keńesi, Jaslar isleri agentligi Qaraqalpaqstan Respublikası basqarması, Tariyx fakulteti Jaslar Awqamı hám «Lider qızlar» klubı aǵzaları tárepinen «STUDENTS SUMMIT 2022» konferenciyası ótkerildi. Konferenciya tiykarınan 2 jónelis boyınsha: Turizm hám Diplomatiya (BMSH Bas Assambleyası modeli) 2 sessiyadan ibarat bolıp, Konferenciya Xanna Utemuratova baslaması menen ótkerildi.
Konferenciyada Tariyx fakulteti dekanı S.Sulaymanov, Jaslar máseleleri boyınsha dekan orınbasarı Z.Qıdırniyazov, Hayal-qizlar máseleleri boyınsha dekan másláhátshisi N.Zaretdinovalar hám fakultet tyutorları miyman boldı.
Turizm sessiyasında Qaraqalpaqstanda turizmdi elede rawajlandırıw jolları, ishki hám sırtqı turizmdi jańa basqıshqa kóteriw máseleleri boyınsha pikirler almasıldı, student jaslar tárepinen jańa joybarlar islep shıǵarılıp topar shıǵısları arqalı bayan etildi.
Diplomatiya jónelisi BMSH Bas Assambleyasın modellestiriw arqalı «Gender teńlik hám hayal qızlardı basım hám zorlıqtan saqlaw» kún tártibi teması boyınsha poziciyalıq xat hár bir mámleket delegaciyası tárepinen tayarlanıp oqıp esitirildi. 2-sessiya barısında koaliciyalarģa bólingen halda Konferenciya rezolyuciyasi qabıl etildi.
Konferensiyada Tariyx hám Shet tiller fakulteti studentleri, Prezident mektebi oqıwshıları belsene qatnastı. Sessiyalar juwmaǵı boyınsha «Eń jaqsı delegat» ,»Eń jaqsı diplomat» hám «Eń jaqsı poziciyalıq xat» nominaciya jeńimpazları anıqlanıp Diplom hám estelik sawǵalar menen sıylıqlandı.
X.Utemuratova
G.Jumamuratova
Tariyx fakulteti studentleri
