Búgin Berdaq atındaǵı Qaraqalpaq mámleketlik universiteti Baqlaw Keńesiniń gezektegi májilisi bolıp ótti. Onda Baqlaw Keńesi baslıǵı orınbasarı, J.Mustafaev, universitet rektorı A.Reymov, hám Baqlaw Keńesinıń ayrım aǵzaları zoom plarforması arqalı onlayn qatnastı. Májilisti Baqlaw Keńesi baslıǵı orınbasarı J.Mutasfaev ashıp berdi hám basqarıp bardı.
Dáslep, Berdaq atındaǵı Qaraqalpaq mámleket universitetinde 2022-jılda Jaslar menen islew hám ruwxıy –aǵartıwshılıq jumıslar boyınsha Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, Oqıw –metodikalıq hám tálim sapasın asırıw boyınsha Oqıw isleri boyınsha prorektorı O.Duysenbaev, Ilimiy-izertlew hám innovaciyalar boyınsha Ilimiy isler hám innovaciyalar boyınsha prorektorı I.Turdımambetov, Xalıqaralıq birge islesiw boyınsha Xalıqaralıq birge islesiw boyınsha prorektorı T.Nurımbetov, Finanslıq-ekonomikalıq hám materiallıq-texnikalıq bazanı bekkemlew boyınsha Qarjı hám ekanomika isleri boyınsha prorektorı А.Kudaybergenovlardıń ámelge asırılǵan jumısları boyınsha bayanatı tıńlandı.
Bunnan soń, universitette shet tillerdi oqıtıw natiyjeliligin asırıw ilajları hám aldaǵı rejeler sonday-aq, Joqarı hám orta arnawlı bilimlendiriw Ministirliginiń 2022-jıl 7-dekabr kúngi 4/15-4/1-7081-sanlı xatında kórsetilgen wazıypalardıń orınlanıwı boyınsha Keńestiń qararı dodalanıp, Baqlaw Keńesi aǵzaları tárepinen dawısqa qoyıldı hám maqullandı.
