Berdaq atındaǵı Qaraqalpaq mámleketlik universitetiniń Shet tiller fakulteti nemis tili hám ádebiyatı kafedrasında kafedra baslıǵı D.Berdimuratov basshılıǵında professor-oqıtıwshılar menen oqıw-metodikalıq seminar ótkerildi.

Seminardı Nemis tili hám ádebiyatı kafedrası baslıǵı D. Berdimuratov basqarıp bardı. Kún tártibinde jańa innovacion metodlar tiykarında ótkerilip atırǵan ashıq sabaqlardı talqılaw, innovacion birge islesiw liceyindegi ashıq sabaqlar barısı, kafedra assistenti G. Babaevanıń ilmiy esabı, tayar ilmiy maqalalardı scopus bazasında shıǵarıw, professor-oqıtıwshılardıń xalqaralıq bazalarda indekslenetuǵın saytlarda maqalalar sanın hám sapasın arttırıw, shaxsıy profiller ashıw arqalı indeks kórsetkishlerin asırıw, HEMIS platformasında kúndelikli sabaqlardıń ótiliwi, aralıq hám shegaralıq baqlawlardıń ballarınıń qoyılıwı, professor oqıtıwshılardıń ilimiy miynetlerin jaylastırıw barısı máseleleri qızǵın dodalandı.

Dáslep kafedra baslıǵı D. Berdimuratov sózge shıǵıp, jańa innovacion metodlar tiykarında ótkerilip atırǵan ashıq sabaqlar haqqında maǵlıwmat berdi. Ol elede toltırılıwı kerek bolǵan kemshilikler, sabaqlardıń ústinlik tárepleri haqqında óziniń bahalı pikirlerin bildirdi, sonıń menen qatar ózara tájiriybe almasıwdı elede jedellestiriw haqqında da tapsırmalar berdi.

“Nemis tilin oqıtıwda jańa innovacion metodlarların paydalanıw” temasındaǵı R.Dáwletbaevanıń dokladı tıńladı. R.Dáwletbaeva QMU janındaǵı 1-sanlı akademiyalıq liceyda iskerlik júritedi hám ol liceydegi nemis tilin úyreniwshi jaslarǵa sabaqlardı alıp barılıw barısı hám olardıń tilde úyreniwge degen qızıǵıwshılıǵın elede arttırıw boyınsha alıp barılıp atırǵan jumıslar barısı haqqında tolıq maǵlıwmatlar menen bólisti.

Kafedra assistenti G. Babaevanıń májilis dawamında jaqlaw aldında tayar turǵan doktorlıq dissertaciyası ilmiy esabı tıńladı, tıńlawshılar tema dógereginde ózlerin qızıqtırǵan sorawların berdi hám tiyisli juwaplar alındı.

Tayarlaǵan: Sayora Nuranova

Nemis tili ha’m ádebiyatı stajyor-oqıtıwshısı