Student-jaslardı áskeriy kásipke baǵdarlaw, olardıń sanasına Watandı qorǵaw ullı hám maqtanıshlı minnet ekenin, milliy armiyamız benen maqtanıw, mámleket qáwipsizligin qorǵaw sezimlerin sińdiriw, Ózbekstan Respublikası Qurallı Kúshleriniń jaratılıwı hám rawajlanıw tariyxı, qural-jaraqlar, áskeriy texnikalar hám áskeriy xızmetkerler turmısı menen tanıstırıw maqsetinde, sonday-aq, 14-yanvar – “Watan qorǵawshıları kúni” múnásibeti menen 2023-jıl 9-yanvar kúni “Áskeriy bólimdegi bir kúnim!” atamasında Arqa Batıs Áskeriy Okrugi quramındaǵı áskeriy bólimlerge Dene mádeniyatı fakulteti studentleriniń sayaxatları hám studentler menen áskeriy xızmetkerler arasında sporttıń Voleybol hám kishi futbol túrleri boyınsha jarıslar shólkemlestirildi.

Sayaxatqa Dene mádeniyatı fakulteti dekanı N.Kaypov, jaslar menen islesiw boyınsha dekan orınbasarı R.Óteniyazov, fakultetler aralıq dene mádeniyatı kafedrası úlken oqıtıwshısı B.Kazakov, tyutorlar hám student-jaslar qatnastı. Sayaxatta studentler 533-sanlı SCHR batalonındaǵı áskerlerdiń jasaw turmısı, olarǵa jaratılǵan shárayatlar, jataq jayları, oqıw xanalı, asxanaları, kitapxanaları, sport zalları hám áskeriy qural-jaraqları menen tanıstı.

Sonday-aq, sayaxat dawamında 37501-sanlı áskeriy bólim xızmetkerleri menen studentler arasında sporttıń voleybol túri boyınsha jarıs shólkemlestirilip studentler komandası 3:0 esabında áskeriy xızmetkerlerdi jeńgen bolsa, al 533-sanlı SCHR batalon áskerleri menen studentler arasında kishi futbol boyınsha jarısta studentler komandası 4:3 esabında jeńip, jeńimpazlıqtı qolǵa kirgizdi hám Arqa-Batıs Áskeriy Okrugi tárepinen diplom menen sıylıqlandı.

R.Óteniyazov
Dene mádeniyatı fakultetiniń

jaslar menen islesiw boyınsha dekan orınbasarı