Prezidentimizdin Oliy majlis hám Respublikamız xalqına jollaǵan múrájatinde kópshilik tarawlar qatarı bilimlendiriw tarawı haqqında qayta qayta tilge alınıwı, bul bilimlendiriw tarawı qánigelerin ruhlandırıwı menen birge, bilimlendiriw salasında kóplegen wazıypalardı júkledi.

Kirip kelgen jańa, 2023-jıldı elimizde «Insanǵa itibar hám sapalı bilimlendiriw jılı», dep atama beriwi usı elde jasap atırǵan hár bir insannıń tınısh hám baxıtlı ómir súriwi, densawlıǵınıń jaqsılanıwına hám jaqsı bilim alıwı ushın hámme sharayat jaratılatuǵınlıǵınıń ayqın mısalı desek qátelespeymiz.

Bilimlendiriwdiń sapasın arttırıw – Jańa Ózbekstandı rawajlandırıwdıń birden-bir durıs jolı ekenin atap ótiwi mámleket rawajlanıwında bilimlendiriwdiń ornı joqarı ekeniniń ayqın dáliyli bolıp tabıladı. Keyingi jıllarda joqarı oqıw orınları 2,5 ese kóbeyip, 198 ge jetti, qamtıw dárejesi 9 procentten 38 procentke kóbeydi.

Sonlıqtan, biz professor-oqıtıwshılar bul jumıslardı sistemalı jolǵa qoyıw, házirgi kún talabına juwap beretuǵın jańa sabaqlıqlardı jaratıw, aldıńǵı bilimlendiriw standartların hám jańa metodikalardı en jaydırıw hám sapalı bilim beriw búgingi kún pedagogınıń wazıypası esaplanadı.

Sonıń menen bir qatarda Prezidentimiz xalqımızdıń den sawlıǵın bekkemlew hám salamat turmıs tárizin en jaydırıw haqqında da aytıp ótip bunı elede jetilistirw kerek ekenligin tilge aldı. Sonıń ushın házirgi kúnde «Durıs awqatlanıw hám salamat turmıs tárizi» jańa ulıwmamilliy háreketin máhálleden baslaw hám bul hárekette jası kishi hám jası úlkenlerdi kóbirek qamtıp alıw taraw qánigeleriniń tiykarǵı wazıypalarınan biri bolıw kerek.

Dene madeniyatı fakulteti dekanı N.Kaypov