Qaraqalpaq mámleketlik universitetinde universitet hayal-qızlar másláhát keńesi tárepinen qısqı dem alıs waqtında studentlerdiń waqtın mazmunlı ótkeriw maqsetinde onlayn tańlawlar ótkerildi.

«Eń sheber toqıwshı qız-2023» dep atalǵan onlayn tańlawında hár fakultetten qatnasqan student qızlardıń sheberligi, shaqqanlıǵı, kreativligi sınaqtan ótkerildi. Tańlawda student qızlar qol miynetinen paydalanǵan halda toqıma toqıw arqalı úy sharaytı ushın zárúr bolǵan buyımdı hár qıylı reńde, qálegen usılda jasap kórsetiwi kerek. Bunda qatnasıwshınıń toqıw sheberligine ayrıqsha itibar beriledi.

Jarıs juwmaǵında fakultetlerden qatnasqan student qızlardan

1-orındı «Qaraqalpaq filologiya hám jurnalistika fakulteti» studenti

Rambergenova Nargiza

2-orındı «Sanaat texnologiya fakulteti»studenti

Minsizbayeva Jansulıw

3-orındı «Qurılıs fakulteti» studenti

Alimbayeva Nurshad iyeledi.

Sonday-aq, basqa da belsene qatnasqan student qızlarǵa «Eń ziyrek toqıwshı qız», «Eń sheber toqıwshı qız», «Eń ónerli toqıwshı qız», «Eń tapqır toqıwshı qız» nominaciyaları berildi.

QMU Hayal-qızlar keńesi