Qaraqalpaq mámleketlik universitetinde universitet hayal-qızlar másláhát keńesi tárepinen qısqı dem alıs waqtında studentlerdiń waqtın mazmunlı ótkeriw maqsetinde onlayn tańlawlar ótkerildi. «Pázendelik jarısı» onlayn tańlawında hár fakultetten qatnasqan student qızlardıń pázendelik sheberligi, shaqqanlıǵı, kreativligi sınaqtan ótkerildi. Tańlawda student qızlar ózlerinde bar ónimlerden hár qıylı taǵamlar hám konditer ónimlerin islep jarıstı. Jarıs juwmaǵında fakultetlerden qatnasqan student qızlardan

1-orındı «Qurılıs fakulteti» studenti Embergenova Tumaris

2-orındı «Fizika fakulteti» studenti Bayjanova Miyassar

3-orındı «Matematika fakulteti» studenti Koshmuratova Shaxribanu iyeledi.

Sonday-aq, basqa da belsene qatnasqan student qızlarǵa «Eń shaqqan pázende qız», «Eń sulıw bezewshi pázende qız», «Eń epli pázende qız», «Eń motivator pázende qız» nominaciyaları berildi.

QMU Hayal-qızlar keńesi