Hár jılı 11-yanvar sánesi Xalıq aralıq qorıqxanalar hám milliy baǵlar kúni sıpatında belgilep kelinedi. Usı sáne múnásibeti menen Berdaq atındaǵı Qaraqalpaq mámleketlik universitetinde Biologiya fakultetinde ilimiy seminar bolıp ótti. Ilimiy seminarǵa Biologiya fakultetiniń professor oqıtıwshıları, doktorantlar, Ózbekstan Ekologiyalıq partiyası Qaraqalpaqstan Respublikası partiya shólkemi Keńesi deputatları hám Qaraqalpaqstan Respublikasında jaylasqan qorǵalatuǵın tábiyiy aymaqlardan qánigeler qatnastı.

Ilimiy seminarda bul bayramnıń belgileniw tariyxı, biologiyalıq kóptúrlilikti qorǵawdaǵı áhmiyeti hám respublikamızdaǵı qorǵalatuǵın tábiyiy aymaqlarda qorshaǵan ortalıqtı qorǵaw tarawında islenip atırǵan jumıslar boyınsha maǵlıwmatlar berildi. Seminar soraw-juwap formasında dawam etip qatnasıwshılar ózlerin qızıqtırǵan sor   awlarına juwaplar aldı hám qorshaǵan ortalıqtı qorǵaw tarawındaǵı jumıslardıń nátiyjeliligin elede asırıw boyınsha usınıslar berildi.

Biologiya fakulteti Ekologiya hám topıraqtanıw kafedrası assistenti A.Naǵashıbayeva