Xabarıńız bar Ózbekstan Respublikası Prezidentiniń 2023-jıl 20-yanvar kúngi «Ishki isler organların xalıqshıl professional strukturaǵa aylandırıw hám xalıq penen jáne de tıǵız birgelikte islesiwge baǵdarlaw boyınsha qoısmsha is-ilajlar haqqında»ǵı PQ-10-sanlı qararı qabıl etilgen edi. 2023-jıl 24-yanvar kúni Dene mádeniyatı fakulteti student-jasları arasında usı qarardıń mazmunı hám áhmiyetin úgit-násiyatlawǵa qaratılǵan dóńgelek stol átirapında sáwbetlesiw ilajı bolıp ótti.

Ilajǵa fakultet dekanı N.Kaypov, jaslar menen islesiw boyınsha dekan orınbasarı R.Óteniyazov, QR IIM ruwxıy-aǵartıwshılıq isleri hám kadrlar menen támiyinlew xızmeti bas inspektorı, podpolkovnik M.Ashirbekov, QMU profilaktika inspektorı I.Erejepov, tyutorlar hám sport boyınsha chempion bolǵan 1,2,3,4-kurs studentler qatnastı.

Ilajda bayanatshılar prezident qararınıń mazmun-mánisin túsindiriw menen birge Ishki isler organlarına jumısqa kiriwdi qálewshi talabanlardı qabıllaw tártibi yaǵnıy,  joqarı oqıw orınların jeńillikli (qızıl) diplom menen tamamlaǵan hám joqarı yuridikalıq maǵlıwmatqa iye bolǵan talabanlar ushın, ilimiy dárejege yaki ilimiy sheńge iye bolǵan talabanlar ushın, sońǵı tórt jıldıń ishinde Respublika kóleminde sport jarıslarınıń jeńimpazı (1-orın), bolǵan yaki xalıqaralıq sport jarıslarınıń 1,2,3-orınlarınan birin iyelegen joqarı maǵlıwmatqa iye bolǵan talabanlar ushın qoyılatuǵın talaplar hám usı qarar tiykarında olarǵa beriletuǵın jeńillikler haqqında keńnen aytıp ótti.

Ilaj dawamında studentler ózleriniń qızıqtırǵan sorawlarına taraw qánigelerinen tiyisli juwaplar aldı. Ótkerilgen ilajdıń tiykarǵı maqseti student-jaslardı qabıl etilgen huqıqıy-normativ hújjetler menen tanıstırıw hám úgit-násiyatlaw bolıp tabıladı.

R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı