Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám de jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta.

Usı jıl 24-27-iyun kúnleri Tashkent qalasında sporttıń «Jeńil atletika» túri boyınsha U-20 jaslar Ózbekstan chempionatı hám eresekler arasında ótkerilgen Ózbekstan kubogına Qaraqalpaq mámleketlik universiteti Dene mádeniyatı fakultetiniń studentleri qatnastı hám joqarı nátiyjelerdi qolǵa kirgizdi.

Atap aytqanda Dene mádeniyatı fakulteti 1-kurs studentleri Behruz Erkaev, Mirjan Abdijalievlar 4×200 metr aralıqqa juwırıp estafetada 2-orındı iyelegen bolsa, Mirjan Abdijaliev 400 metr aralıqqa juwırıp 2-orındı, al Behruz Erkaev 200 metr aralıqqa juwırıp 2-orındı jeńip aldı hám sport ustalıǵına talaban normativin orınladı.

Sonday-aq, usı jarısta tájiriybeli sportshımız, 2-kurs student Valijon Xosinov 200 metr aralıqqa juwırıw boyınsha 23:65s nátiyje menen 3-orındı jeńip alǵan bolsa, 3-kurs student Diyarbek Shamuratov 1500 metr aralıqqa juwırıw boyınsha 4:09.00s nátiyje kórsetip sıylı 3-orın jeńimpazı boldı. Sportshılarımızdı qolǵa kirigigen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz. Sportshılardı dene mádeniyatı teoriyası hám metodikası assistenti Barlıqbay Djumanov tayarladı.

R.Óteniyazov

Dene mádeniyatı fakultetiniń

jaslar menen islesiw boyınsha dekan orınbasarı