Aldın xabar bergenimizdey usı jıldıń 10-fevral kúni Berdaq atındaǵı Qaraqalpaq mámleketlik universitetinde barlıq fakultet tyutorlarına student-jaslar menen islesiw kónlikpelerin jetilistiriw maqsetinde oqıw seminarı shólkemlestirildi.

Seminardı ótkeriwden tiykarǵı maqset Ózbekstan Respublikası Prezidentiniń 2021-jıl 26-mart kúngi «Ruwxıylıq-aǵartıwshılıq jumısları sistemasın jetilistiriw ilajları haqqında»ǵı PQ-5040-sanlı qararındaǵı áhmiyetli wazıypalardıń orınlanıwın támiyinlew bolıp tabıladı.

Dáslep universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov sózge shıǵıp, seminardı shólkemlestiriwdegi maqseti hám wazıwpaları haqqında,sonday-aq, aldaǵı waqıtları student-jaslar menen isleniwi tiyis bolǵan rejeler haqqında aytıp ótti.

Bunnan soń, Húrmetli Prezidentimizdiń Oliy Majliske hám Ózbekstan xalqına jollaǵan Múrájatınıń mazmunı hám bilimlendiriw tarawındaǵı belgilengen wazıypalar haqqında Jınayıy, huqıqıy, puqaralıq huqıqıy pánler kafedrası aǵa oqıtıwshısı D.Saparov, “Universitet xalıqaralıq birge islesiw boyınsha ámelge asırılıp atırǵan jumıslar haqqında” Xalıq aralıq birge islesiw boyınsha prorektor T.Nurımbetov, Student-jaslardı ilimiy jumıslarǵa baǵdarlaw, ilimiy maqalalar jazıw tártipleri, xalıqaralıq olimpiadalarǵa tayarlaw hám mámleketlik stipendiyalarǵa hújjetler tapsırıw basqıshları haqqında” Ilimiy izertlewler, innovaciyalar hám ilimiy-pedagog kadrlar tayarlaw bólimi baslıǵı Q.Nızamatdinov, “Waqıt menedjmenti” waqıttı durıs bólistiriw metodikası” Milliy ideya, ruwxıylıq tiykarları hám huqıq tálimi kafedrası baslıǵı A.Bayrieva hám “Jaslar dápteri”niń jaslar turmısındaǵı áhmiyeti haqqında Jaslar isleri agentliginen wákiller óz bayanatı menen qatnastı. Seminarda tyutorlar ózleriniń qızıqtırǵan sorawlarına taraw qánigelerinen juwaplar aldı.