Ózbekstan Respublikası «Olima» shólkemi Qaraqalpaqstan bólimi hám Qaraqalpaqstan awıl xojalıǵı hám agrotexnologiyalar institutında «Insanǵa itibar hám sapalı bilimlendiriw jılı»na baǵıshlap «Qaraqalpaqstan Respublikasınıń turaqlı rawajlanıwında jas ilimpazlardıń ilimdegi iskerligi» atamasındaǵı respublikalıq ilimiy-ámeliy konferenciya bolıp ótti.

Ilimiy-ámeliy konferenciyada Berdaq atındaǵı Qaraqalpaq mámleketlik universitetinen hayal-qızlar máseleleri boyınsha rektor másláhátshisi I.Seytnazarova hám fakultetlerdiń hayal-qızlar máseleleri boyınsha dekan másláhátshileri R.Kalimbetova, G.Nurımbetova, G.Óskinbaeva, N.Rametullaeva, A.Qazaqbaevalar hám professor-oqıtıwshılarımız ózleriniń ilimiy maqalaları menen, sonday-aq, student qızlar qatnastı

Konferenciyada Universitetimizden Pedagogika hám psixologiya kafedrası docenti Jamila Asamatdinova «Shaxs psixologiyasında tárbiyalıq hám estetik qádiriyatlardı qáliplestiriwde hayal-qızlardıń ornı» degen temada óz bayanatın isledi.

Professor-oqıtıwshılarımız óz miynet jolı hám qolǵa kirgizgen tabısları haqqında sóz etti hám student qızlarımız ózleriniń qızıqtırǵan sorawlarına juwaplar aldı.

Sabirova Diana

Ximiya-texnologiya fakulteti studenti