Hayal-qızlar arasında huquqbuzarlıq hám jınayatshılıqtıń aldın alıw, student qızlardıń kiyiniw sóylew mádeniyatına itibar qaratıw, ádep-ikramlılıq qaǵıydalarına ámel etiwi hám de olardı túrli jat illetlerden qorǵaw házirgi kúnniń eń baslı máselerinen biri esaplanadı. Qaraqalpaq mámleketlik universiteti  «Fizika», «Arxitektura» fakultetleri hayal-qızlar máseleleri boyınsha dekan másláhátshileri  usı jıl 16-fevral kúni  fakultetlerdiń eń belsendi qızları arasınan dúzilgen «Lider qızlar» klubı aǵzaları  hám hár túrli taraw qánigeleri menen ashıq sáwbet shólkemlestirildi.  Keshege bir qansha taraw qánigeler miyman etip shaqırıldı.

QR IIB TEKKB aǵa operativ wákili podpolkovnik Q. Qaniyazova universitet hayal-qızlar menen islesiw boyınsha inspektor R.Tasbaeva universitet psixologı G.Reymbaevalar qatnastı.  Qızlarımızǵa mámleketimiz tárepinen berilip atırǵan keń imkaniyatlar jańa qararlar menen keńnen tanıstırıw menen birge ishki tártip intizamǵa ámel etiwi, hayal-qızlar arasında huqıqbuzarlıqlardıń keyingi waqıtlar kóplep ushırasıp atırǵanlıǵı hám olardıń  aqıbetleri haqında mısallar menen túsindirip ótti. Qızlar kelgen  taraw qánigelernen ózleri qızıqtırǵan sorawlarına  tolıq hám anıq juwaplar aldı. Keyin universitet psixologı tárepinen «Qızlardı turmısqa psixologiyalıq jaqtan tayarlaw» temasında   seminar treningi boldı. Treningke student qızlar belsene qatnasıp, olarda  temaǵa baylanıslı soraw juwaplar qızıǵıwshılıq oyattı.