Kórkem-óner fakulteti hám Qaraqalpaqstan Respublikası Ishki isler ministrligi menen birgelikte student-jaslar arasında internet tarmaqlarınan paydalanıw mádeniyatın asırıw hám informaciyalıq qáwipsizligin támiyinlew boyınsha «Globallasıw processinde informaciyalıq qáwipsizlik máseleleri» atamasında sáwbetlesiw bolıp ótti.

Ilajda Qaraqalpaqstan Respublikası Ishki isler ministrligi operativ qıdırıw xızmeti, kiber qáwipsizlik bólimi xızmetkeri M.Urazbaev, “Sociallıq pánleri” kafedrası oqıtıwshısı J.Biyimbetov, universitet úlken yurist másláhátshisi A.Baymuratov, universitet profilaktikalıq inspektorı I.Erejepov, Hayal-qızlar máseleleri boyınsha profilaktikalıq inspektorı R.Tasbaeva hám Kórkem-óner fakulteti student-jasları qatnastı.

Ilajdı kiris sóz benen jaslar menen islesiw boyınsha dekan orınbasarı I.Djumaniyazov hám ushırasıw miymanları búgingi globallasıw processinde insan mánawyatına qarsı baǵdarlanǵan maǵlıwmatlar, olardıń unamsız aqıbetlerinen jaslarımızdı qorǵaw, internetten maǵlıwmat alıw, maǵlıwmatlardı almasıw boyınsha sistema jaratılǵanlıǵı hám de qostırnaq ishindegi unamsız informaciyalar qáwipiniń jaslar turmısına tásiri haqqında túsinikler berip ótti. Sonday-aq, kún tártibindegi máseleler qatarında studentlerdiń bilim alıw dawamında ámel etiwi zárúr bolǵan tártip-intizamnıń eń tiykarǵı qaǵıydaları, yaǵnıy universitet Ishki tártip qaǵıydası hám Ádep ikramlılıq kodeksiniń mazmunı hám áhmiyetin aytıp ótti.