Berdaq atındaǵı Qaraqalpaq mámleketlik universiteti Matematika fakulteti “Algoritmlestiriw hám programmalastırıw texnologiyları” kafedrasında xalıq-aralıq hám de basqa joqarı oqıw orınları menen birge islesiw jumısları alıp barılmaqta. Sonıń menen birge, Shet ellerdiń joqarı oqıw orınları menen qospa tálim tiykarında kadrlar tayarlaw ámelge asırılmaqta. Sonday-aq, Muhammed Al-Xorezmiy atındaǵı Tashkent informaciyalıq texnologiyaları universiteti, Tashkent mámleketlik ekonomika universiteti, Tashkent irrigatsiya hám awıl xojalıǵın mexanizatsiyalaw injenerleri institutı hám Ózbekstan Milliy universitetiniń sáykes kafedraları menen oqıtıw hám ilimiy tarawlarda tájiriybe almasıwlar ámelge asırılıp kelinbekte.

Bul oqıw orınlarınıń tájiriybeli professor-oqıtıwshıları tárepinen kafedra qánigelikleri studentleri hám magistrantlarına sheberlik sabaqları shólkemlestirilmekte. Atap aytqanda, 2023-jıl fevral ayınıń 22-sánesinen baslap Tashkent irrigatsiya hám awıl xojalıǵın mexanizatsiyalaw injenerleri institutı “Jasalma intellekt” kafedrası baslıǵı, texnika ilimleri doktorı, professor Mamatov Narzillo Solidjonovich “Algoritmlestiriw hám programmalastırıw texnologiyları” kafedrası magistrantlarına sheberlik sabaǵın alıp barmaqta. Sabaqlar barısında keyingi waqıtlarda ilim hám texnikanıń jetiskenlikleri, sonday-aq, jasalma intellekt tarawında búgingi kúndegi erisilgen jetiskenliklerge hám ilimiy jańalıqlarǵa tiyisli maǵlıwmatlar berilmekte.