Ekonomika fakultetinde ishki isler xızmetkerleri menen birge ushırasıw bolıp ótti. Ushırasıwǵa Nókis qalalıq ishki isler organları jumısların muwapıqlastırıw basqarmasınıń baslıǵı orınbasarı podpolkovnik Azamat Tilewmuratov, QR ishki isler ministrligi operativ qıdırıw xızmeti kiber kawipsizlik bólimi xızmetkeri aǵa serjant Miras Urazbaev, QMU profilaktika inspektorı Inamjan Erejepov, ekonomika fakuklteti dekanı Temirbay Jiemuratov, fakultet tyutorları hám student jaslar qatnastı.

Ushırasıwdı fakultet dekanı Temirbay Jiemuratov, basqarıp bardı. Dáslep Nókis qalalıq ishki isler organları jumısların muwapıqlastırıw basqarmasınıń baslıǵı orınbasarı podpolkovnik A.Tilewmuratovqa sózge shıǵıp, ol óz sózinde házirgi kúnde student-jaslar arasında jınayatshılıqtıń artıp baratırǵanlıǵı, onıń awır aqıbeti haqqında aytıp, jınayatshılıq hám huqıqbuzarlıqlardıń aldın alıwǵa shaqırdı. Bunnan soń QR ishki isler ministrligi operativ qıdırıw xızmeti kiber kawipsizlik bólimi xızmetkeri aǵa serjant M.Urazbaev sózge shıǵıp, keyingi waqıtlarda plastik kartalardan pullardıń urlanıwı, hár qıylı telegram kanallarında aldaw jolı menen pulların aldırıp koyǵanlar, hár qıylı saytlar arqalı pulların tartıp alıwlar kóbeygeni ham bularǵa aldanıp qalmawdın jolların túsindirip ótti.