Búgin Berdaq atındaǵı Qaraqalpaq mámleketlik universitetinde Oliy Majlis Nızamshılıq palatasınıń deputatları hám Qaraqalpaqstan Respublikası Joqarǵı Keńesi deputatı qatnasında «Deputat hám jaslar ushırasıwı» bolıp ótti.

Onda Oliy Majlis Nızamshılıq palatası deputatları M.Ibragimov, L.Seytova hám Qaraqalpaqstan Respublikası Joqarǵı Keńesi deputatı A.Reymovlar qatnastı. Ushırasıwdı Qaraqalpaqstan Respublikası Joqarǵı Keńesi deputatı, Berdaq atındaǵı Qaraqalpaq mámleketlik universiteti rektorı A.Reymov alıp bardı. 

Ol óz sózinde elimizde keyingi bes jıllıqta alıp barılıp atırǵan ózgeris hám jańalanıwlar, ásirese keleshegimiz bolǵan jaslarımızǵa qaratılıp atırılǵan itibar, jaslarǵa tiyisli mámleketlik siyasat dárejesinde alıp barılıp atırǵan jumıslar haqqında aytıp ótti.

Bunnan soń, Oliy Majlis Nızamshılıq palatası deputatları M.Ibragimov sózge shıǵıp, búgingi kúnde qabıl etilip atırǵan qarar hám pármanlardıń áhmiyeti, Oliy Majlis nızamshılıq palatasında alıp barılıp atırǵan jumıslar, jańa redakciyadaǵı Miynet kodeksiniń mazmun-mánisin student-jaslarǵa keń túrde túsindirip ótti. Sonıń menen birge ilajda Oliy Majlis Nızamshılıq palatası deputatı L.Seytova sózge shıǵıp, elimizde alıp barılıp atırǵan túpkilikli reformalar, bilimlendiriw tarawına qaratılıp atırılǵan itibar haqqında aytıp ótti. Ilajda student-jaslar deputatlardan ózlerinıń qızıqtırǵan sorawlarına juwaplar alıdı. Ushırasıw óz-ara pikir alısıwlar menen dawam etti.

QMU baspasóz xızmeti