Usı jıldıń 22-fevral kúni Berdaq atındaǵı Qaraqalpaq mámleketlik universiteti Biologiya fakulteti oqıtıwshıları, tayanısh doktorantları hám Otus-studentler ornitologiyalıq klubı aǵzaları tárepinen Nókis qalası átirapında jaylasqan «Ashshıkól» kóline ekspediciya shólkemlestirildi. Ekspediciyaǵa 26 adam qatnastı.

Ekspediciyanıń tiykarǵı maqseti – suwda júziwshi quslardıń xalıq-aralıq qısqı sanaǵın ámelge asırıw hám baqlaw bolıp tabıladı. Baqlaw dawamında «Ashshıkól» kólinde 16 túrge tiyisli 379 dana qus dizimge alındı. Olardıń ishinde kóp sanda Almabas úyrek  Netta rufina, jasılbas úyrek Anas platyrhynchos, qızılbas úyrek Aythya ferina hám basqa suwda júziwshi quslar ushırastı.

 Islambek Arepbaev Qaraqalpaq mámleketlik universiteti 2-basqısh doktorantı, Otus-studentler ornitologiyalıq klubı baslıǵı, Biologiya ilimleri boyınsha filosofiya doktorı (PhD)