Berdaq atındaǵı Qaraqalpaq mámleketlik universiteti hayal-qızlar máseleleri boyınsha rektor másláhátshisi I. Seytnazarova hám fakultet hayal-qızlar máseleleri boyınsha dekan másláhátshileri qatnasında Zulfiya Isroilovanıń tuwılǵan kúni múnásibeti menen ilaj bolıp ótti. Ilajda sózge shıqqanlar Zulfiya Isroilovanıń ómir jolı, dóretpeleri hám qosıqları haqqında qızlarģa maǵlıwmatlar berip, Bul sıylıq Prezident pármánı menen talantlı qızlarımız ushın 1999-jıldan baslap, hár jılı berilip kiyatırģanlıģı haqqında aytıp ótti.
Zulfiya atındaǵı mámleketlik sıylıģına respublikamız boyınsha hár jılı mıńlap talantlı qızlar tapsıradı. Sol qatarda universitetimizden 2023-jılda 100 ge shamalas qızlarımız Zulfiya atındaǵı mámleketlik sıylıģına hújjet tapsırdı hám Tashkent qalasındaģı basqıshına 10 qızımız jollama aldı. Usı kúnge shekem universitetimizden 6 qızımız Zulfiya atındaǵı mámleketlik sıylıģı jeńimpazı boldı.
Sonday-aq, ilaj dawamında universitetimizde 2022-jıl Zulfiya atındaǵı mámleketlik sıylıqtıń iyesi biologiya fakultetiniń 3-kurs studenti Maqsadova Zuxraxon menen Ximiya-texnologiya fakulteti, Shet tiller fakulteti hám Tariyx fakulteti qızları óz ara sáwbetlesip pikir alıstı.
Student qızlar bolsa Zulfiya Isroilova dóretiwshiligi boyınsha óz pikirlerin bildirip, Iláj dawamında qızlar tárepinen Zulfiya Israilova qálemine tiyisli bolǵan qosıqlar tásirlioqıp berildi. Jáne de, qatnasıwshılar ózleri qızıqtırǵan sorawlarına juwaplar aldı.
Diana Sabirova
Ximiya-texnologiya fakulteti 2-kurs studenti
«Qızlarjan» klubı jetekshisi
