Berdaq atındaǵı Qaraqalpaq mámleketlik universiteti shet tilleri fakulteti awdarma teoriyası hám ámeliyatı tálim baǵdarı 2-kurs studentleri 1 ay dawamında Ámet Shamuratov hám Ayımxan Shamuratovalar úy muzeyinde ámeliyatta boldı. Ol jerde student-jaslar Ámet Shamuratov hám Ayımxan Shamuratovalardıń ómiri hám dóretiwshiligine baylanıslı maǵlıwmatlarǵa iye boldı. Ol jerde kóp ǵana shıǵarmalardı awdarmalap, óz bilimlerin jetilistirdi hámde rawajlandırdı. Alınǵan bilim hám tájiriybelerin jetilistiriw maqsetinde koncert baǵdarlaması shólkemkestirildi. Koncert baǵdarlamada “Ayımxannıń ólimi”, “Bir úyde eki ómir” atlı pyesaları studentler tárepinen sheberlik penen atqarıldı. Sonı da aytıp ótiw kerek, Ayımxan Shamuratova qaraqalpaq xalqınan shıqqan eń birinshi aktrisa esaplanadı. Ayımxan Shamuratova atqarǵan “Ayımxannıń ólimi” pyesası onıń teatr sahnasında oynaǵan birinshi roli edi. Ol jerde Ámet Shamuratov qálemine tiyisli bolǵan “Eski mektepte” shıǵarması ingliz tiline awdarılıp muzeyge tapsırıldı. Jáne de baǵdarlamada Ayımxan Shamuratovanıń qosıqları studentler tárepinen sahnada aytıp berildi. Sonıń menen birge, qız jigitler ayaq oyınları hám taǵı basqa kórinisler bolıp ótti. Al bul bolsa studentlerdiń Ámet Shamuratov hám Ayımxan Shamuratovalardıń ómiri hám dóretiwshiligi haqqındaǵı maǵlıwmatlardı tolıq ózlestirip alıwına járdem berdi.
