1-mart Zulfiya Isroilovanıń tuwılǵan kúni múnásibeti menen Zulfiya mámleketlik sıylıǵınıń iyesi Aysholpan Orazımbetova, Ózbekstan jazıwshılar awqamı aǵzası, Munira Qalbaeva, Nawayı stependiyantı Kamila Mamutovalar menen ushırasıw ótkerildi. Ushırasıwǵa Ekonomika hám Qurılıs fakulteti hayal-qızlar máseleleri boyınsha dekan másláhátshileri hám student qızları qatnastı. Ushırasıw miymanları ózleriniń dóretiwshilik jolı, ilimdegi jetiskenlikleri, ómir tájiriybeleri menen bólistı.

Sonday-aq, ushırasıwda hayal-qızlar máseleleri boyınsha dekan másláhátshisi, R.Paxratdinova sózge shıǵıp, Prezidentimiz pármanı menen 1999-jıldan baslap talantlı hám intalı qızlarımız ushın Zulfiya atındaǵı mámleketlik sıylıǵınıń berilip kiyatırǵanlıǵı, bul óz gezeginde hayal-qızlarımızdıń ilim hám dóretiwshlik penen shuǵıllanıwı ushın ayırıqsha imkaniyat ekenligin aytıp ótti. Ushırasıw dawamında student qızlar ózleriniń qızıqtırǵan sorawlarına juwaplar aldı hám ózleri tárepinen tayarlanǵan koncert baǵdarlaması menen dawam etti.

E.Madenova
Ekomomika fakulteti hayal-qızlar máseleleri boyınsha dekan másláhátshisi