Usı jıldıń 10-mart sánesinde Berdaq atındaǵı Qaraqalpaq mámleketlik universitetinde Joqarı oqıw orınlarında Korrupciyanıń aldın alıw hám de oǵan qarsı gúresiw maqsetinde ilajı bolıp ótti.

Ilajǵa Ózbekstan Respublikası Joqarı bilimlendiriw, ilim hám innovaciyalar ministrligi Korrupciyaǵa qarsı gúresir boyınsha juwaplı xızmetker Babur Maxsudov, Nókis qalasındaǵı barlıq joqarı oqıw orınlarınıń juwaplı xızmetkerleri profeesor-oqıtıwshılar hám student-jaslar qatnastı.

Ilajda sózge shıqqanlar jámiyetimiz rawajlanıwı ushın korrupciyaǵa baylanıslı huqıqbuzarlıqlardıń aldın alıw, olardı anıqlaw hám toqtatıw, oǵan imkan beriwshi sebeplerdi saplastırıw boyınsha respublika boylap keń kólemli jumıslar ámelge asırılıp atırǵanlıǵın atap ótti. Korrupciya – rawajlanıw tosıǵı ekenligi, korrupciya hár qanday mámleket hám jámiyettiń siyasiy-ekonomikalıq rawajlanıwına úlken zıyan kórsetetuǵınlıǵı, mámlekettiń konstituciyalıq tiykarların hám nızam ústinligi, sonıń menen birge insan huqıqları hám erkinlikleriniń támiyinlenbewine alıp keletuǵınlıǵı, bul boyınsha kóplegen qararlar, pármanlar, nızamlar qabıl etilip atırǵanlıǵın aytıp ótti. Usı tiykarda profilaktikalıq úgit-násiyatlaw ilajlar alıp barılıwına qaramastan korrupciya menen baylanıslı huqıqbuzarlıqlar júz berip atırǵanlıqların keltirip ótti.

Bayanatshılar korrupciya jınayatınıń túsinigi, bul jaman illettiń aldın alıw hám oǵan qarsı gúresiw boyınsha usınısların bildirdi hám de hár bir studenttiń watanǵa bolǵan súyispenshiligin bekkemlew, hár túrli unamsız háreketlerdiń aldın alıw, student-jaslar ózlerin ilim-bilimdi rawajlandırıwǵa baǵıshlaw, watanpárwarlıq ruwxında tárbiyalaw, olarda huqıqıy sana hám mádeniyattı, dúnyalıq, ilimiy hám ádep-ikramlılıq dárejesin asırıw hám de qáliplestiriw hár birimizdiń ádiwli wazıypamız ekenligin atap ótti.

QMU baspasóz xızmeti