Yuridika fakulteti hayal-qızlar máseleleri boyınsha dekan másláhátshisi G.Pirniyazova basshılıǵında Belorussiya mámleketlik universitetiniń yuridika ilimleri doktorı, professor V.Tolochko menen birgelikte yurisprudenciya qániygeliginde bilim alıp atırǵan student qızlarǵa «Xalıqaralıq huqıqta hayal-qızlardıń ornı»  haqqında sáwbet ótkerildi. Sáwbette Belorussiyalı professor eki mámlekettegi universitetler ortasında óz-ara tájriybe arttırıw, xalıqaralıq huqıqta hayal-qızlardıń ilimiy iskerligin ele de jetilistiriw, tálim sistemasındaǵı hayal-qızlarǵa jaratılıp berilip atırǵan múmkinshilikler menen tanıstırıp ótti. Fakultetimizde kóp jıllıq tájriybege iye ustazımız yuridika ilimleri doktorı, professor E.Qutıbaeva da student qızlarımızǵa Ózbekstan Respublikası xalıqaralıq qatnasıqlarınıń tolıq huqıqlı subekti sıpatında kóplegen xalıqaralıq normalardı milliy nızamshılıǵımızda sáwlelengenligin atap ótti. Sáwbet dawamında student qızlarımız ózleriniń qızıqtırǵan sorawlarına juwap alıp qoymastan, tájriybeli ustazlardan kóplegen huqıq tarawı boyınsha bahalı maǵlıwmatlarǵa iye boldı.